Archivo del Autor: manager

IX Carreira Xóvenes Atletas 2014

O domingo 23 de febreiro celebrouse a IX edición da Carreira Xóvenes Atletas. Temos unha aposta clara por dar difusión e apoio a este tipo de carreiras adicadas ós máis cativos. Este sempre foi o noso compromiso como club social.

Como andamos moi xustos de tempo estes días previos ó Entroido, non vos imos dar a brasa, e polo tanto imos ser cartesianos!.

Os resultados podedes consultalos eiquí: RESULTADOS IX XOVENES ATLETAS 2014

 

Agradecementos a tódolxs compañeirxs que se achegaron a botar un cable. Dende a primeira ata a última, merecedes un altar!. (na foto non están todxs).

Agradecemos enormemente a tódalas empresas, institucións e organizacións colaboradoras: Concello de O Porriño (en especial á Concellaría de Deportes), Protección Civil, Policía Local de O Porriño, Eurobanan, Panadería Erundina, Bar Celtiña, Polisport, Begano. Esperamos que non nos deixemos a ninguén….

 

Agradecemos especialmente o traballo destes dous personaxes. Graciñas Marta!. Graciñas Rubén!.

Non temos mellor forma de agradecérvolo que difundindo o voso traballo: Fotos de Marta / Fotos de Rubén

 

Agora imos a pola Carreira das Agüiñas….xa veredes, este ano vai a molar!!

CAMPIONATO GALEGO DE DUATLÓN CROSS 2014

Santiago Romero de Cancun a Lugo.
Fotografía: Ana Bugarín

 

O domingo disputouse o Campionato Galego de Duatlón Cross en Santa María Alta, en Lugo, organizada polo club de Btt Correcaminos. Unha única carreira de onde sairía o campión galego da modalidade.

A proba estivo disputada ata o final, onde se resolveu na carreira a pé. Tanto o primeiro coma o segundo clasificado estiveron adestrando no circuíto o día anterior para preparar o asalto ó titulo.

O circuíto de carreira a pé pódese considerar sen dúbida un minitrail de dúas voltas: 1500 mtrs. de suba e 1500 mtrs. de baixada.

O circuíto non defraudou a ninguén. Nótase que detrás do percorrido estaba un club que coñece a modalidade Btt. Circuíto duro e técnico pero á vez moi fermoso e divertido. Noraboa ao Club Correcaminos.

A nosa participación foi numerosa e  entretida.

Jose Salgueiriño rematando a seu primeiro duatlon
Fotografía: Ana Bugarín

 

Comenzou coa quedada ás 6:00 h. para colocar as bicicletas no remolque que Almunia 08 deixounos para este desprazamento.

O camiño que eliximos para chegar á proba foi o longo, pola ruta turistica. Case estivemos a punto de ter que baixar do furgón para desenganchar o remolque para poder maniobrar un xiro  co furgón. Qué dificil se fan ao principio estes xiros!. O sangue finalmente non chegou ao rio grazas ós numerosos Gps que atoparon unha saída cara adiante (que risas nese momento!). O condutor chegou a estresarse nese punto.

A carreira, tal e como comentamos antes, disputouse nun sitio moi fermoso pero nada adaptado ás necesidades da proba a nivel loxistico e organizativo. Transicción estreita, pouco aparcadoiro e sen duchas para a finalización da proba. Sorte que o tempo acompañou para que estes detalles fosen menores.

O club estivo representado por 8 participantes ( José Salgueirño, Kike Morán, Santiago Romero, David Alonso, Iván Reguera, Abel de Barros, Diego Salgueiriño e Víctor Mouriño) máis 6 fans ( Cristal, Eva, Ana, Vane, Brain, e Ángela) que non pararon de animar nas distintas fases da carreira.

Foi outra participanción notable do club, con 3 trileros clasificados entre os 32 primeiros postos da xeral, o que valeu un 4º posto por club nunha modalidade que estamos empezando a promover entre os trileros do club. O barro, de momento, asusta un pouco pero a xente vaise animando, como o caso de José Salgueiriño que debutaba no duatlon, e nas súas declaracións comentou que  pasouno coma un neno pequeno.

A nivel individual outra grande actuación de kike Morán (8º) na xeral, seguido de David Alonso que gozuo da súa 29″ cun magnifico posto (29º). A continuación chegaron Víctor Mouriño (32º), Diego Salgueirño (40º), Abel de Barros (47º), Santiago Romero (67º), José Salgueiriño (68º). Iván Reguera tívose que retirar por problemas físicos nos xemelgos. Unha mágoa!.

Por este ano acabouse o barro. En breve estaremos de novo a dar guerra nesta modalidade!.

 

Kike Moran despedindo cun soriso a tempada 2014
Fotografía: Ana Bugarín

Grazas a todos por representar o club con deportividade e compañeirismo.

Crónica: Victor Mouriño

Fotografías: Ana Bugarin.

 

 

6 medallas para Iria no Campionato Galego de Natación Júnior de Inverno

Iria, segunda pola esquerda xunto ás súas compañeiras de relevo 4×100 libres.

Celebrouse en Ourense durante tres días o Campionato Galego de Natación Júnior de Inverno. Nel participou Iria, nadando 4 probas individuais e tres remudas, acadando un ouro, unha prata e dous bronces nas individuais e dous bronces nas remudas. Moito mérito, porque neste campionato Iria é Júnior de primeiro ano, e porque o seu nivel de adestramento non chega á metade do resto das participantes, xa que debe alternar co atletismo. Xuntanselle neste mes de febreiro varios campionatos galegos, e agora dous campionatos de España: o viendeiro domingo 23 de febreiro o Campionato de España de Campo a Través por CC.AA., en Móstoles (Madrid), no que ten postas moitas esperanzas, e sen solución de continuidade o Campionato de España de Natación Júnior de Inverno, a celebrar en Pontevedra a semana seguinte, de xoves a domingo. Moito ánimo, que como dicimos no club, “o esforzo sempre ten recompensa”.

Crónica e foto: José Antonio Rodríguez.

Nada e Corre 2014

Elsa na proba de natación
Fotografía: Alberto Pena
Este sábado celebrouse a segunda proba  clasificatoría do programa Nada e Correr, que consiste en nadar unha distancia na piscina e despois unha carreira a pe coa suma dos dous tempos faise a clasificación final da proba.
O club estivo representado por  Elsa Pena, nesta nova edición do Nada e Corre 2014, nun día frio e chuvioso.
Comenzo moi bo o da tempada, nadando os 100 m cun tempo de 1:21,79 despois tocoulle correr os 500 m no que fixo un tempo de 1:39,85, acadando a 2ª posición na xeneral con tempo total de 3:01,64, asi logrouse clasificar para o campionato galego deste ano que se celebrará o día 9 de Marzo en Riveira.
Contentisima co resultado e con gañas de mellorar se é posible a sua seguinte participación.
Crónica: Alberto Pena

 

VIII Duatlón Cross Concello de Poio 2014

 

David Alonso entrando en meta
Fotografía: Eva Duran

Hoxe tocaba despedir o final do circuito de dúatlon cross, despois de catro probas todas elas baixo condicións climaticas moi complicadas, o sol quixo ser espectador da quinta e derradeira proba a disputadar en Samieira (Poio).

A proba de Samieira ten a fama de ser técnica. Malia o sol que acompañou a proba, as choivas desta semana deixaron o circuíto embarrado e complicado, o que quedou reflectido nas continuas caídas que se produxeron no sector da bici.

O gañador da proba foi Marcos Maio quen certificou a súa vitoria no circuíto. Na categoría feminina a gañadora da proba foi Lorena García. O club estivo representado por Enrique Morán, que realizou unha tempada fantástica, conseguindo unha vitoria e entrando no top 10 nas tres probas que participou. David Alonso que debutou co club este ano,  tivo unha gran regularidade, acabando as cinco probas do circuíto. E por ultimo José Manuel Rodriguez Caramés, quen nos demostra cada dia que o máis importante é querer facer o que che gusta.

E por suposto non esquecer a Ruben Sío, Abel de Barros, Miguel Fernández, Diego Salgueiriño, Iván Regueira, Santiago Ons (Piru), Felipe Domínguez, Isidro Domínguez, Alberto Domínguez Lemos e José Luis Castro. 

Tempada para gardar na memoria do club, pola alta participación e polo podio conseguido en Maside. O vindeiro domingo péchase a tempada de cross coa disputa do Campionato Galego, de onde salirán os campións deste ano.

Seguro que teremos unha boa representación na proba.

Campionato Galego de Cross en Negreira

Hoy se celebró el Campeonato Gallego de Cross, en Negreira.
A las 9 de la mañana quedamos en nuestro punto habitual para dirigirnos hacia allí. Fue un viaje tranquilo sin percances. Cuando llegamos no llovia pero hacia fresquete, se recogieron los dorsales y como es costumbre en este equipo fuimos a una cafeteria… Sandra y María se fueron a calentar y a reconocer el circuito; esperábamos que estuviera en peores condiciones, pero le llegaba!.

María e Sandra xunto a Solange na saída.

A las 12 era la cámara de llamadas femenina, para recorrer 6000 m.. La ganadora fue Solagne Pereira, segunda Paula Mayobre y tercera Ester Navarrete. Nosotras no sé en que posicion llegamos(*) pero lo hicimos lo mejor que pudimos; Sandra tenia una pequeña molestia en el tobillo.
(*)Recórdacho o editor: María na posición 18 con 27´27s. e Sandra na posición 20 con 27´50s..

Marcos e Burgos previo á saída.

Después le toco el turno a los chicos. Como representantes del Atletismo Porriño corrían Isma, Burgos, César y Marcos. Su distancia era algo más de 9000 m. En esta prueba el ganador fue Pedro Nimo seguido de Robertas Geralavicius y Victor Rioboo.
Nuestros chicos hicieron un buen papel, Isma (42º) 36´31s fue el primero de ellos, despues llagaba Marcos (68º) 37´58s y por último Burgos (74º) 38´24s( con algún problemilla durante la carrera). César, que tomó la salida con molestias en una pierna, a mitad del circuito tuvo que retirarse por un pinchazo. Esperamos que no sea nada y que esta semana esté dando guerra de nuevo.

César e Isma durante a carreira.

Durante toda la carrera estuvieron animando y sacando fotos Asun, Doris e Irene.
Al terminar todos fuimos a intentar ducharnos en agua fría… y era el turno de la comida!. Unos bocadillos estupendos que nos puso el club. Como no encontramos ningún sitio apropiado y ya había hambre, paramos a comer en la acera de una gasolinera jaja y nada más, pa casa…
Crónica: María Martínez
Fotografías: Asun e Doris.
Eiquí podedes consultar os resultados.
Eiquí podedes consultar as fotos que fixeron Doris e Asun.

Campionato Galego Cadete en Pista Cuberta: Iria, campioa galega en 600 ml

Celebrouse o domingo 9 de febrero o Campionato Galego Cadete en Pista Cuberta, que como non pode ser doutra forma foi en A Coruña. A ver se os nosos netos poden ver que se faga en Galicia unha pista cuberta de atletismo decente (a de A Coruña é a de corda máis pequena de España, e que non nola quiten). En fin, imos ó noso.

A carreira foi un pouco desastre. A xuiza quería dar a saída desde a liña do 500, e foi Iria, xunto con outra nenas, quen avisou do erro. En total, participaron 12 rapazas, e para unicamente catro rúas podedes imaxinar o barullo. Para abondar no descontrol, a Iria tocoulle a última: castigada contra a parede. Non valen as marcas: o sistema que teñen para ordealas na saída é aleatorio. Señores e señoras da Federación: a ver se buscan outro criterio un pouco máis técnico, e corrixen dunha vez o nome do noso club e o nome de Iria, que empeza a teñen con minúscula (isto é o que aparece na acta do campionato: iria Rodriguez Huertas Atletismo Porriño). Xa o reclamamos. A ver se nos fan caso.

Menos mal que na saída, Iria puido escaparse sen problemas, non sen facer un esforzo importante na primeira volta. O resto foi manter as dúas seguintes voltas, para acabar acelerando na derradeira, sacando á segunda e á terceira clasificada -que foron á roda toda a proba-, máis de 2.5 segundos. Houbo 7 rapazas por encima dos dous minutos, e con isto volvemos ó barullo da saída: ¿costará moito ter en conta isto, que xa era visto desde antes de empezar?. Un apunte máis: preguntamos polas duchas, e parece que, ata esa proba, foi a única que necesitou ducharse, porque ninguén sabía delas. Debe ser que o resto de rapaces e rapazas non súan cando corren, supoño, ou que temos uns costumes moi raros no club.

 

 

A marca de 1.40.02, discreta para ela,  é mínima para o Campionato de España en Pista Cuberta, a celebrar en Antequera os días 15 e 16 de marzo de 2014, e deberá elixir entre 600 ml, 1000 ml e 3000 ml, xa que só pode facer unha delas, pero isto xa o tratará con Dani máis adiante, porque desgraciadamente en Galicia non ten con quen correr, pero en España xa é outra cousa (a marca obtida en 600 ml é a 5ª de España en PC e a 4ª ó aire libre, no 1000 tén a 2ª en pista cuberta e 1ª ó aire libre, e no 3000 ten a 1ª en pista cuberta e a 2ª ó aire libre). E para celebrar a medalla, directamente desde A Coruña ata Vigo comendo un bocadillo no coche, adestramento de natación con Dani de hora e vinte minutos na piscina do Nautico de Vigo: a vindeira semana ten o Campionato Galego de Natación Júnior en Ourense. Seguiremos informando.

 

 

 

 

 

DUATLON CROSS DE CANDEÁN 2014

 

 

Os representantes do club en Candeán

 

A disputa do duatlon cross de Candeán, estivo condicionada un ano máis pola climatoloxía. Hoxe domingo disputábase a cuarta proba do circuíto galego, no monte Vixiador, en Candeán (Vigo).

A proba arrancou ás 11:15 coa carreira de 6 km, en dúas voltas ao percorrido de continuas subas e baixadas embarradas que facían difícil manterse en pé.
Os noventa e catro participantes conseguiron chegar a coller a bici na transición para percorrer os 20 km, en tres voltas, nun trazado de dificultade alta, complicado máis polo vento e a chuvia; proba diso foron os numerosos abandonos, a maioría por problemas mecánicos pero tamén os houbo por caídas de importancia.

Ao último sector só chegaron cincuenta e oito superviventes; algúns dos cales, viviron momentos de angustia porque tiñan síntomas de conxelación nas mans e non eran capaces de desabrochar os cascos, nin calzar as zapas para saír a correr os 2750mtrs finais para rematar a dura proba.

O noso club estivo moi ben representado con Quique Moran, David Alonso, Diego Salgueriño, Santiago Ons que remataron a proba a cruz tócalle a Rubén Sio, que unha avaría mecánica o obrigou a abandonar.

Agradecer aos fans do noso club polo apoio dado en toda a proba ata alí achegáronse Gíl, Maria Martinez, Eva, Irene Sobreira e Iago Sobreira.

Iria Rodríguez terceira no Campionato Galego Absoluto de Pista Cuberta

Iria Rodríguez Huertas durante a proba.

Disputouse o domingo, 2 de febrero, en A Coruña, o Campionato Galego Absoluto de Pista Cuberta. Nel participou Iria Rodríguez Huertas, que coma cadete, en carreiras, só pode facer 50 ml ou 3000 ml. Fixo esta última proba, o 3000 ml, acadando unha meritoria terceira posición, por detrás de Ester Navarrete e Carmela Cardama, as que aguantou ata o 1500. Acabou en 10.36, unha marca bastante boa, tendo en conta a dureza dos adestramentos da semana e que o sábado participou todo o día nunha toma de tempos da Fegatri, onde tivo que nadar 100 ml e 1000 ml, e correr 1000 ml e 400 ml. Por certo: acabou con 46 dos 48 puntos posibles, a mellor puntuación de todos os participantes, correndo o 1000 en 3.01.0 e o 400 ml en 1.02.0.

Despois dun mes de xaneiro de moita carga, este mes de febreiro ten varios retos ben importantes por diante: o vindeiro domingo, o Campionato Galego Cadete de Pista Cuberta en A Coruña (fará 600 ml), a seguinte semana o Campionato Galego de Natación en Ourense, despois o Campionato de España de Campo a Través en Madrid, coa Selección Galega, e por último o Campionato de España de Natación Júnior, que se vai celebrar en Pontevedra. En marzo, terá varios campionatos galegos a maiores, pero o máis importante é que a mediados vaise desprazar ata Antequera ó Campionato de España Cadete de Pista Cuberta.Para poder afrontar estas probas, axustarase a preparación para que poida chegar o máis descansada posible e que poda dar o máximo do que sexa capaz. De momento, felicitala por este novo éxito.

 

Crónica e foto: José Antonio Rodríguez.

Porriño sube ao podium no “Lúatlon” solidario do Grove

O Grove, 02/02/2014

O Grove organizou un importante dúatlon que acadou cifras de participación inesperadas. Máis de 900 inscritos ateigaron o porto do Grove neste domingo, tinxido de vermello pola marea de varias decenas de persoas voluntarias e membros da organización que portaban a equipación do evento, en memoria de Luis Miguel Figueiro Romay (coñecido por familiares e amigos como “Lú”, de aí a denominación de “Lúatlon”). No ambiente podíase respirar o carácter solidario e popular, que combinado coas ganas de levar esta novidosa proba adiante, fixeron desta unha xornada entrañable.

A vocación deste dúatlon era o de achegar o maior número de deportistas a participar, polo que se organizaron probas de esixencia variada para que todos os (du)atletas atoparan o seu lugar. O lúatlon “enano” (para cativos), o lúatlon (1’25 km-5 km-1’25 km), o lúatlon mini-sprint (2 km-10 km-1 km) e o lúatlon sprint (5 km- 20 km- 2’5 km) foron os retos presentados nun circuíto desenvolvido á beira do mar que percorría a zona portuaria de punta a punta, chan, rápido e algo esvaradizo por mor da choiva, que non deixou de ameazar ao longo da mañá.

 

Doris, Sandra e Iván.

Doris Fernandes debutou na modalidade “lúatlon” facendo unhas tranquilas carreiras a pé e unha bici moi cómoda na que puido recuperar moitas posicións, o que lle permitiu rematar con moi bo ánimo e desfrutar desta primeira experiencia. Pola súa banda, na modalidade “mini-sprint” David Alonso fixo unhas carreiras a pé moi resoltas, equilibradas cun traxecto en bici que lle permitiu acadar o 2º posto na clasificación masculina. Na categoría “sprint”, Iván Reguera amosou gran enteireza de principio a fin, resolvendo moi ben a carreira a pé e facendo tamén unha bici rápida. Rubén Sío fixo unha demostración de velocidade moi importante, tanto na carreira a pé coma na bicicleta, aproveitando a cualidades do circuíto. E finalmente, Sandra Sobreira fixo unha boa bici e unha excelente carreira a pé coa que puido destacar, acadando o 2º posto na clasificación feminina. Parabéns a tod@s!

Grazas a Irene Sobreira polo apoio loxístico, polos ánimos e as fotos.

Asinada: Doris Fernandes, coa aportación dos comentarios dalgúns participantes

Fotos: Irene Sobreira e Doris Fernandes. Eiquí