O Concello do Porriño, en colaboración co Club Atletismo Porriño, organiza a IX Milla Porriñesa “Festas do Cristo”, no centro urbano da vila, o venres 28 de setembro de 2018. O horario de comenzo das probas será as 18:00. A saída e a chegada serán na Praza do Concello (Praza Antonio Palacios).
1. PARTICIPANTES:
Poderán participar atletas federados e non federados; habendo unha soa clasificación conxunta. O control das carreiras estará a cargo do Club Atletismo Porriño, coa supervisión dun xuíz árbitro
2. CATEGORÍAS DOS PARTICIPANTES, DISTANCIAS E HORARIOS:
18:00 h – De 2 a 4 anos inclusive – 100 m.
18:05 h – De 5 a 7 anos inclusive – 100 m.
18:10 h – De 8 a 10 anos inclusive – 400 m.
18:20 – De 11 a 14 anos inclusive – 800 m.
18:30 – Carreira popular > 15 anos – 1.609 m.
18:45 h – Carreira Élite > 15 anos – 1609 m. *
* Para a participación na Carreira Élite, é obrigatorio ter licenza federativa de atletismo en vigor.
Xs atletas que participen na carreira élite, non poderán participar na carreira popular e viceversa.
3. PREMIOS E TROFEOS
CATEGORÍAS MENORES:
– Trofeos para os tres primeiros de cada categoría e sexo. Medallas para o resto dos participantes
CATEGORÍA POPULAR:
– 1 cea para dúas persoas no Bar Celtiña de O Porriño para a primeira clasificada feminina e para o primeiro clasificado masculino e trofeo para os tres primeiros.
CATEGORÍA ELITE:
Premios en metálico:
Carreira absoluta feminina.
1º- 100 euros 2º- 50 euros 3ª- 20 euros
Carreira absoluta masculina.
1º- 100 euros 2º- 50 euros 3ª- 20 euros
OS PREMIOS EN METÁLICO ABOARANSE O DÍA DA PROBA (será necesario mostrar DNI, Pasaporte ou documento que acredite a identidade).
A entrega de trofeos realizarase inmediatamente se remate a derradeira das probas, a carón da liña de chegada.
4. INSCRICIÓNS
A inscrición é totalmente GRATUITA. Para a Carreira Popular e a Carreira Elite, pódense anotar atletas via online ata o día 26 de setembro ás 23:59 h. na páxina web do Club Atletismo Porriño (www.atletismopor.com) na pestana correspondente á IX Milla Porriñesa Festas do Cristo 2018. Para as categorias menores, non é preciso anotarse, e basta con que estean na liña de saída no momento de comezo das probas.
5. VESTIARIOS
Haberá servicio de duchas e vestiarios a disposición dos atletas no Polideportivo Municipal do Porriño.
6. RECLAMACIÓNS
As reclamacións ós resultados oficiais deberán formularse verbalmente ó Xuíz Árbitro da Competición unha vez rematadas as probas.
7. CESIÓN DOS DEREITOS DE IMAXE
Durante o evento deportivo vanse tomar imaxes dos corredores e do entorno xeral da carreira. Coa inscrición e a participación, acéptase a cesión dos dereitos de imaxe para o uso das fotografías co obxectivo da difusión da actividade nos diferentes medios de comunicación. Os datos cedidos para a inscrición serán empregados exclusivamente para a correcta organización do evento, dacordo coa Ley Orgánica 15/1999, de 13 de decembro, de Protección de Datos de Carácter Personal (LOPD).