Archivos del Autor: Atletismo Porriño

Resultados X Xóvenes Atletas 2015

Estes son os resultados definitivos da X Carreira Xóvenes Atletas 2015:

Clasificación Alevín Feminino

Clasificación Alevin Masculino

Clasificación Benxamin Feminino

Clasificación Benxamin Masculino

Clasificación Cadete Feminino

Clasificación Cadete Masculino

Clasificación Infantil Feminino

Clasificación Infantil Masculino

Clasificación Pitufos Feminino

Clasificación Pitufos Mascuñino

Clasificación Prebenxamin Feminino

Clasificación Prebenxamin Masculino

Clasificación Alevín Feminino

 

X Carreira Xóvenes Atletas en O Porriño

CARTEL IX XOVENES ATLETAS 2015 (Custom)

O Club Atletismo Porriño coa colaboración do Concello de O Porriño, organiza a “X CARREIRA XÓVENES ATLETAS O PORRIÑO”, que se celebrará o día 01 de marzo de 2015, a partires das 10:30 horas no centro de O Porriño.

Esta carreira está organizada para rapacxs nados entre os anos 2000 e 2012.

Temos unha novidade para a carreira deste ano, posto que en edicións anteriores, a participación limitouse ós clubs e colexios que estiveran dentro da asociación Xóvenes Atletas. Desta vez, decidimos abrir a inscrición a tódolxs nenxs que queiran participar, coa intención de promocionar o deporte de base para todxs.

Eiquí deixamos os links de inscrición e informaición da carreira:

Inscricións

Circuito

Regulamento

Animade xs pequenxs da casa!.

 

56 GP Pedestre do Nadal (Carreira do Pavo) de Vigo

O domingo 21 de decembro celebrouse en Vigo o 56 GP PEDESTRE DO NADAL (Carreira do Pavo) , nunha mañá soleada .
A nosa participación non foi moi abundante, pero os  que foron fixéronse notar. Nas categorias menores,  participaron na carreira de alevín feminino, Laura Alonso González e Uxia Rodríguez Huertas quedando primeira e cuarta respectivamente.

DSC03089 (Custom)

Na carreira absoluta na que venceron Ester Navarrete (At. Femenino Celta) e Akka Essadaaoui(Dare2be CCPedro Nimo), a nosa participación, destacada polo 3º posto xunior masculino de Iago Sobreira García, completouse cos seguintes postos:

3º (JUN M) – Iago Sobreira Garcia.

11º (SEN M) – Ismael Lago Monroy.

10º (VB M) – Marcos Frances Gómez

10º (VB F) – Irene Sobreira Castro.

Agora toca facer acto de presenza nas distintas San Silvestres que se celebran en torno á nosa comarca antes de despedir o ano!.

Cónica e foto: Toni Alonso e Atletismo Porriño

 

III Cross popular do Xamón de A Cañiza

Onte tivo lugar na Cañiza o III Cross popular do Xamón, organizado polo Concello de A Cañiza máis a agrupación Cabaliños do Demo, facendo una labor de nota máxima. A señal de saída deuse as 10:00 da mañán nas inmediacións da piscina municipal, da que poderíamos disfrutar todos os participantes o rematar a proba.

O circuito disputouse sobre una distancia de 14km, na que o terreo era moi variado, proporcionando en todo momento unhas agradables vistas e un entretido disfrute das mesmas, mesturando unha moi boa combinación de monte, asfalto e río, onde non chegarías a meta sen antes pasar por numerosas subidas e baixadas e sobre todo unha merecida molladura polos regatos.

Como non, tamén debemos destacar o avituallamiento final para que os corredores e acompañantes recuperaran forzas, que sen ninguna dúbida foi a parte favorita de moitos. Abundantes pinchos de empanada, xamón e embutidos estaban a disposición destes para que remataran de disfrutar dun día de calor xunto amigos e familia, despois de realizar 14km polos montes de A Cañiza.

IMG_20140831_093001

O Club Atletismo Porriño puido participar nesta experiencia, sendo representado por: Enrique Morán, quedando 5º da xeral e 2ºsenior; Venancio Paramos, 29º da xeral e 1º na súa categoría de veteranos; Sandra Sobreira, 6ª da xeral feminina e 1ª senior; Iván Reguera, 86º da xeral e 18º senior; Jose Salgueririño, 112º da xeral; Irene Sobreira, 13ª da xeral feminina e 2ª veterana; Isaias Burlido, 162º da xeral (Isaias non o pasou tan ben coma o resto, debido a dificultades técnicas que lle aconteceron no nocello dereito, o que ocasionou un ritmo máis lento); Marcos Fernández, Diego Salgueiriño e Pablo Regueira chegaron un pouco máis atrás que de costume, xa que gustoulles tanto a proba que fixeron dous kilómetros a máis dos oficiales.

Resultados: http://www.cronotec.es/2014/xam14.pdf

Fotos e crónica:

Fin dos adestramentos de verán en Salvaterra de Miño

IMG_0056

Esta foi a derradeira camiñata de volta hacia o lugar onde aparcamos a diario o furgón do club nos adestramentos de verán. Deixamos Salvaterra de Miño para voltar ó traballo nas instalacións do noso club a partires do día 15 de setembro.

Como sempre, foi un verán de luxo,  onde se misturou deporte e lecer. Que perdure por moitos anos este bo rollo!.

Despedímonos de Salvaterra de Miño e por suposto, do Katro Rúas….. ata o ano que ven!!!.

Agora queda despedir as tiradas polos montes de Xinzo. Iso será o luns que ven no Bar Cruceiro….

 

Comezo da tempada 14/15

COMEZO TEMPADA

O luns 15 de setembro ás 18:30 h. comezaremos a nova tempada 2014/2015 na sede do Club de Atletismo Porriño.

As modalidades que podedes practicar son o Atletismo e o Triatlón, dende os 5 anos en adiante.

Os nosos horarios son os seguintes:

wb

Podedes consultar toda a info de cotas e servizos eiquí.

Si queredes vir a adestrar connosco, cubrides este formulario de inscrición (pdf editable) e achégaste ás nosas instalacións no Polígono Industrial de A Granxa, na parcela 248A. Alí aclararémosche tódalas dúbidas que poidan xurdir e tramitaremos toda a documentación para dar de alta as licenzas federativas de Atletismo ou Triatlón.

Animádevos a vir connosco!!!.

 

 

VI Carreira Popular de Amorín

OLYMPUS DIGITAL CAMERA

Achegámonos o domingo día 15 unha vez máis ata Amorín (Concello de Tomiño) para participar na carreira que organizan os nosos colegas da Asociación de Veciños de Amorín. Trátase dunha carreira irmá á que este club lle ten moito cariño e aprecio. Esa parroquia contribuiu dalgunha maneira a levar o noso club ata o lugar onde o temos situado agora mesmo.

O día comezaba con moita calor. As temperaturas aumentarían progresivamente ata dar comezo a VI Carreira Popular de Amorín (carreira pola integración coa UNICEF).

A carreira absoluta daba a saída as 11:00 da mañá, cubrindo una distancia de 6270 m polas inmediacións. Foi una carreira que se caracterizou sobre todo polas altas temperaturas que tiveron que afrontar os atletas no desenvolvemento da proba, o que facía que as costas que compoñían o circuíto parecerán aínda máis pronunciadas.

O Club Atletismo Porriño contou coa participación de moitos dos seus e as súas atletas, que deixaron o nome do club no máis alto dos podos nas súas respectivas categorías. Esto fíxose posible grazas á presenza de: Santiago López (gañador da carreira), Brais Misa (3º posto da xeral), Ismael Lago (4º posto da xeral), Iago Sobreira (posto 20º), Jose Antonio Burgos (posto 21), Diego Salgueiriño (posto 31º), Alfonso Conde (posto 47º), Isaías Burlido (posto 79º), Sandra Sobreira (posto 80º), Irene Sobreira (posto 90º).

Despois da carreira absoluta disputáronse as categorías menores, nas que estivemos representados por Noa Burgos, Uxía Rodríguez, Nicolás Mazoy, Laura Mazoy e David Burgos, que fixerón unhas actuacións sensacionais, deixándonos tamén no alto do podio.

O ambiente percibido na carreira e a súa organización forón inmellorables, e o seu carácter de colaboración con este tipo de entidades como UNICEF un moi bó exemplo.

Crónica:  Sandra Sobreira. Introducción Atletismo Porriño.

Fotografía: Asun Monroy

Fotos de Asun Monroy

Fotos de Marta e Safardatxo

Campionato Galego Benxamín, Alevín e Infantil de Pista ao Aire Libre

O sábado, 7 de xuño de 2014, celebrouse no Estadio Municipal de Atletismo de Balaídos, en Vigo, o Campionato Galego Benxamín, Alevín e Infantil de Pista ao Aire Libre. Pola mañá tiveron o seu turno os benxamíns e alevíns. Bastante vento en xeral, e chaparróns de vez en cando. Participou Pablo Almeida nos 500 ml alevín masculino, acadando un rexistro de 1.36.24 e unha meritoria oitava posición. Hai que dicir que o quinto entrou a menos dun segundo de Pablo. En canto a Carla Guisande, na proba dos 1000 ml alevín feminino, fixo una magnífica sétima posición cun rexistro de 3.41.36. Laura Alonso participou nos 60 ml alevín feminino, entrando sétima na final B con 9.56, e decimoquinta nos 500 ml alevín feminino, con 1.43.07. Finalmente, tivemos a Uxía Rodríguez nas probas de 50 ml benxamín feminino, acadando a sétima posición na final B con 9.10 (parándose antes de entrar na meta aínda non sabemos porqué), e unha magnifica cuarta posición na proba de 1000 ml cun tempo de 3.58.45, remontando desde os derradeiros lugares nos últimos 500 metros. Pola tarde foi o turno de Yago López, que acadou o sexto posto na final B dos 150 ml cun tempo de 23.17, e a oitava posición nos 500 ml cun rexistro de 1.28.42. Noraboa a todos por participar.

Crónica: José Antonio Rodríguez.

Campionato Provincial Benxamín de Pista ó Aire Libre

O sábado 30 de maio, nun día soleado e algo ventoso, celebrouse nas pistas de Vilagarcía de Arousa o Campionato Provincial Benxamín de Pista ó Aire Libre, encadrado dentro do programa Xogade da Xunta de Galicia. Os representantes do club foron Álex Rodríguez Lorenzo e Uxía Rodríguez Huertas, e ámbolos dous participaron nas probas de 50 ml e 500 ml. Magnífica posta en escea de Álex, que logrou o subcampionato en 50 ml, mentres que Uxía foi sexta. Na proba de 500 ml, Uxía quedou cuarta, mentres que Álex pagou o esforzo da proba anterior e non puido estar cos mellores. Desgraciadamente, non podemos poñer os tempos porque o enlace da páxina da FGA ós resultados non vai. Para compensar, mandamos unhas fotos.

IMG-20140531-00163 (Large) IMG-20140531-00164 (Large)

Crónica e fotografías: José Antonio Rodríguez.

Campionato Provincial Infantil en Pista

Foto0933 (Custom)Hoxe disputouse en Cangas a fase provincial de pista ó aire libre, clasificatoria para o galego, onde tivemos a participación de Yago López Sousa en dúas probas.
Na proba de 500 ml, acadou a posición cun tempo de 1:24.98 e proclamándose subcampión provincial. A segunda carreira foi a de 150 ml ( 22,31) onde acadou unha meritoria 4ª praza, tendo en conta que só tivo 15 minutos de recuperación entre unha proba e outra.
Dexesamos dende o club que os alevíns, que disputarán o seu provincial a vindeira semana, teñan moita sorte.
Crónica e fotografía: Aurora Sousa.