Archivos del Autor: Atletismo Porriño

Gran papel do Club Atletismo Porriño na V Maratón da Coruña

O pasado domingo 17 de abril tivo lugar na cidade herculina o campionato galego de maratón, e nel participaron numerosos atletas do club (e arredores). Paralelamente, desenvolveuse a proba de 10 km, na que tamén houbo representación da Louriña, grazas a Mónica e Sandra

A mañá presentábase sorprendentemente despexada (logo dos prognósticos da semana e da chuvia do sábado, que non agoiraban nada bo), sen vento e cunha temperatura ideal para correr. Reunímonos na zona da saída, en torno ao Obelisco e fixemos a foto de rigor para, acto seguido, despois de desexarnos sorte e facer algunha broma, partir á aventura: correr 42 km e 195 m, repartidos en tres voltas, polas rúas da Coruña.

IMG-20160417-WA0020O grupo casi ao completo. Falta Isaías.

A saída foi puntual e transcorreu sen atascos, a pesar de que saïamos na parte de atrás, polo que non tardamos en coller o noso ritmo (eu fixen case toda a carreira con José Ramón, un “ex” do club). Co paso do tempo as rúas comezaron a encherse de xente, agás na zona do porto, e a animación ía a máis, cun público entregado e con grupos musicais polo paseo marítimo. A verdade é que a primeira parte da carreira pasoume voando, charlando con Jose e animando aos compañeiros nas zonas nas que nos cruzabamos: Jesús Martínez, concentrado, pero moi enteiro; Manu e Esteban apiñados coma sardiñas no grupo de 3.30; Irene, sempre sorrinte e espontánea; Nando, co seu paso metódico e regular; Jesús Amieiro, ao final con cara de canso; e Carlos, con ritmo tranquilo pero aguantando.

Pero a medida que pasan os quilómetros o famoso “muro” fai a súa aparición gradual e comezan a pesar as pernas. Así, no km 34 Jose e mais eu separámonos e tirei un pouquiño por diante del, desexando a cada pouco chegar ao avituallamento (había cada 5 km). Na zona do porto vin a Esteban, que se descolgara do grupo de 3.30 e animeino a que me seguise. Así o fixo ata que unha cambra o fixo parar. Axudámolo a estirar Jose (que xa me alcanzara) e mais eu, e reanudamos a marcha, xa cada un como podía ata a meta, na praza de María Pita, onde estaban Mónica e Sandra animando e sacando fotos (moito lles temos que agradecer a súa presenza constante entre o público dende que acabaron o 10.000, aplaudindo e dando ánimos). O avituallamento final non estivo mal, aínda que as bebidas isotónicas estaban frías de máis, o que provocou algún pequeno “susto” coa indisposición dun compañeiro, pero sen consecuencias.

O éxito dos representantes do club foi total. Por que? Pois porque acabamos todos, e ese é un obxectivo moi razoable nunha carreira destas características.

Ademais, por se fose pouco, Irene Sobreira alzouse como campioa galega de maratón na súa categoría (posto 146 na xeral), cun tempo neto de 3:48:51.

IMG-20160417-WA0054

O resto dos resultados do campionato galego son os seguintes (os tempos que se citan son netos):

Jesús Martínez foi 126º na xeral e 22º na categoría Vet40 cun tempo de 3:14:12

image003

Manu Fernández foi 310º na clasificación global do maratón (el non corría o campionato) e 55º na categoría Vet45 cun tempo de 3:27:32

IMG-20160417-WA0039

Un servidor foi 122º na xeral e 13º na categoría Vet50 cun tempo de 3:35:44

IMG-20160417-WA0036

Nacho Louriño foi 441º na xeral global e 97º na categoría Vet40 cun tempo de 3:40:20

20160419213936

Esteban González foi 133º na xeral e 40º na categoría Vet40 cun tempo de 3:41:27

IMG-20160417-WA0044

Nando García foi 162º na xeral e 17º na categoría Vet50 cun tempo de 4:04:58

IMG-20160417-WA0015

Jesús Amieiro foi 169º na xeral e 36º na categoría Vet35 cun tempo de 4:15:41

IMG-20160417-WA0053

Carlos Álvarez , escoltado na última volta polo gran Isaías Burlido, foi 179º na xeral e 50º na categoría Vet40 cun tempo de 4:26:42

20160419213825

Unha mágoa que non puidésemos estar presentes todos os que comezamos coas tiradas longas… Acordámonos moitísimo de Lito, Jose, Daniel e do gran Venancio!.

Carreira de 10 km

 

Polo que comentaron despois, Mónica e Sandra tiveron diferentes valoracións da carreira: Mónica Pena amosábase satisfeita, obtendo un tempo neto de 00:48:18 (12ª na súa categoría e 587ª na xeral), mentres Sandra Sobreira fixo unha carreira por debaixo das súas posibilidades, obtendo un tempo de 00:49:28 (586ª na xeral e 21ª na súa categoría).

monicaFoto de La Voz de Galicia

sandra2Foto de La Voz de Galicia

E, como remate, tivemos a ocasión de contar as nosas “batalliñas” nun xantar en común que fixemos no mesón A Roda. Cansos, pero contentos.

IMG_8543

 

Fotos: Mónica Pena e La Voz de Galicia

Crónica: Paco Conde

Agradecementos da XI Carreira Xóvenes Atletas

CARTEL XI XOVENES ATLETAS 2016_grazas por vir

Queremos agradecer enormemente ó traballo desinteresado de toda a xente do noso club, que unha vez máis, pegáronse un madrugón de mil demonios para estar ó pé do canón a cooperar. Así da gusto!.

Non menos agradecementos merecen xs nosxs patrocinadores. Sin eles, non sería posible entregar algo de avituallamento para xs nenxs, nin uns premios tan chulos!.

Supermercados Froiz
Gadis
Eroski
Cafetería Maloserá
Perruquería José vila
Xoiería Covelo
La Hora del Bokatha
Hiper Porriño
Construccións Hermanos Veiga
Materiais de Construcción Carballeira
Granitos cabaleiro
Artesanía Candán
Grupo Godoy maceira

E sin estes outros, sería moi difícil, por dicir que imposible, organizar esta proba:

Concello de Porriño
Cruz Roja
Protección civil de o Porriño
Policía local
Xquatro Espectáculos

Moitas grazas a todxs, por todo… Para o ano agardamos que nos visitedes de novo!.

Graciñas por vir.

 

Iria Rodríguez Huertas subcampioa galega de 800 ml en Pista Cuberta

Celebrouse na fría mañá do sábado, en A Coruña, nas pistas de Riazor, o Campionato galego Xuvenil en Pista Cuberta, agás probas de 1500 e 3000 ml.. Iria Rodríguez Huertas participou na proba de 800 ml, e nunha moi disputada carreira, logrou acadar a segunda posición, xusto por detrás da favorita e medallista de España Elba Vélez. Iria fixo un tempo de 2.21.91, 27 centésimas máis que a gañadora. Este tempo serviralle a Iria para asistir nun par de semanas ó Campionato de España de PC de Salamanca, pero a Concentración da FETRI imposibilita a súa participación. Novamente, o Club Atletismo Porriño dá que falar polo bo facer dos seus e das súas atletas.

IMG_1970

Crónica e foto: José Antonio Rodríguez.

Cea de Nadal 2015

O 12 de decembro, celebramos unha das competicións máis caralludas do ano.

Marchamos de Cea de Nadal!.

Ás 20:15, previo á proba e como ven sendo habitual estes últimos anos, estivemos hidratándonos cunhas cañas no Bar 55, comezando así, unha das noites máis esperadas pola xente do Club Atletismo Porriño..

Por primeira vez, acompañounos Pedriño!.

IMG_20151212_210840149 (Large) IMG_20151212_212658892 (Large) IMG_20151212_214317104 (Large)

Non imos negar que botamos moito de menos á xente do Bar Celtiña que sempre se portou connosco de dez. Suso tiña ganas de darse un merecido descanso, así que cambiamos o punto de dosificacion enerxética polo Restaurante Manolo. Ás 22:00, xa estábamos entrando pola porta.

Tomamos as primeiras copas.

MAR_2783 (Large)

Atopámonos co freak de Richard Stallman na festa, así que….

MAR_2770 (Large)

….decidimos disfrazarnos con él

MAR_2772 (Large) MAR_2769 (Large) MAR_2790 (Large) MAR_2789 (Large) MAR_2795 (Large) MAR_2798 (Large)

Logo viñeron as fotos oficiais!.

MAR_2812_RETOCADA (Large)

IMG_20151212_224345806 (Large)

E os roubados.

IMG-20151212-WA0024 (Large)

Fixemos unha mesa redonda de debate preelectoral.

IMG_20151212_225118574 (Large) IMG_20151212_225149026 (Large) IMG_20151212_225200912 (Large) IMG_20151212_225221967 (Large) IMG_20151212_225234253 (Large) IMG_20151212_225303951 (Large) IMG_20151212_225315630 (Large) IMG_20151212_225338435 (Large) MAR_2820 (Large)

Ceamos e brindamos.

MAR_2853 (Large)

E en medio de todo isto…chegaron os putos Selfies!.

Os Selfies (con palito).

MAR_2868 (Large)

IMG-20151212-WA0035 (Large)

MAR_2863 (Large)

IMG-20151212-WA0039 (Large)

E os Handmade (con botella).

IMG_20151212_235738890 (Large)

IMG-20151213-WA0003 (Large)

Cando o ambiente está máis golfo despois de tomar os postres, xustamente aí, é cando fai aparición a nosa querida «Star» de plató. Fonsete leva anos cunha implicación total na preparación e presentación dos diplomas.

IMG_20151213_015937522 (Large)

Espectación total!.

IMG_20151213_021657046 (Large)

Este ano, cadrando en campaña electoral, axudou a Fonsete a ex Senadora do Partido Popular, Marta Dominguez, que viña acompañada dende Palencia coa súa «Camella» particular.

MAR_2898 (Large)

DIPLOMAS

DIPLOMA ÓS CAMPIOES DA CEA DE NADAL 2014

Moi, Dani McKay, Ramón, Gil e Rocío: Unha grupeta, de xente diesel que exprime ata o derradeiro «after»….. Incombustibles.

Entregou: Pablo Regueira.

MAR_2907 (Large)

 

DIPLOMA ÓS HOMES DE FERRO (polo EMBRUNMAN 2015) e ANIMADORES

Rubén Sío (animador), Víctor Mouriño, Alberto Domínguez (animador e conductor), Marcos Francés, Gil, Miguel Fernández, Pablo Regueira, Michi, Quique Morán e Nacho Louriño (ausente): Auténticos homes de ferro que ascenderon ó mítico Col D´Izoard.

MAR_2916 (Large)

DIPLOMA Ó DUETO ARTÍSTICO

Paula Madero: A nosa artistaza, que tanto versiona a Whitesnake como a Sia, desta vez atreveuse cunha cover en directo.  Enorme, Paula!.

MAR_2927 (Large)

Desta vez tiña un acompañante de luxo!

Marcos Francés: Repite como bailarín oficial do club. É o noso Rafael Amargo particular.

MAR_2935 (Large)

DIPLOMA ÓS NOVOS DOMADORES

Sandra Sobreira e Miguel Fernández: En tres meses que levamos, xa se convertiron xunto con Dani e Fonsete en pezas vitais no club. Están a facer un traballo impecable cos máis pequenos.

Entregou: Dani Mouriño. O dono do circo!.

MAR_2943 (Large)

DIPLOMA ÓS «ANXELES DE CHARLIE»

Mónica Pena, Eva Martínez e Olalla Acuña: Están a levar á perfección a misión encomendada: As contas do noso club están limpiñas como unha patena.

Encántanos Whatsappear con elas. Os Charlies somos superfans… Graciñas!.

MAR_2947 (Large)

DIPLOMA Ó CAPITÁN DO BARCO

Víctor Mouriño: Un tipo con moitísimo carácter, hiper responsable e organizado. «Cumplidorciño». Foi quen de embarcarse na chalana e ir ata alta . Deu un xiro total á sección de triatlón, sendo das que máis triatletas aporta en Galicia. Un crack.

MAR_2952 (Large)

DIPLOMA Ó RELEVO XENERACIONAL

María Martínez: Agora que Víctor quere voltar coa chalana a pescar na orilla e como tipo previsor que é, buscou un relevo xeneracional. Polo momento nada con flotador, pero é unha auténtica «rompepistas». O futuro está garantido no traballo de Tri. María o vai a facer de 10, xa veredes! .

MAR_3015 (Large)

DIPLOMA CHARLIE SHEEN

Carlos Vázquez: Amigo e confesor de Ortega Cano. Non sabedes canto o botamos de menos este ano!.

Entregou o diploma, fixo o control de alcoholemia e devolveu o carné: Gil.

MAR_2960 (Large)

DIPLOMA ÁS CHEERLEADERS OFICIAIS DO CLUB

MAR_2963 (Large)

Marcos Francés, Alberto Domínguez, Gil, Luis Rodríguez, Michi e Sevi (ausente): Non temos palabras para definir isto. Cunha foto o explicaríamos mellor.

FANCLUB (Large)

DIPLOMA ÓS DELFÍNS BRANCOS

Manu Castro e Víctor Alonso: Dúas persoas que conectaron á perfección co espíritu deste club. Son dous peixiños na auga!.

MAR_2968 (Large)

DIPLOMA ESCRIVÁ DE BALAGUER

Familia García Abad: Toda unha prole.. 6 membros da familia no noso club!. Seguide con ese bo rollo!.

Entregou o diploma e pediu o voto para o 20D: Marta Domínguez.

MAR_2972 (Large)

DIPLOMA ÓS MARATONIANOS (editado)

Irene Sobreira, Jesús Amieiro, Isaías (ausente) e Nacho Louriño (ausente) e Adrían Rey (presente e ausente á vez) : Encantounos dar este premio. Creo que Irene fixo chorar a máis de un. Vaia parella de trotóns. Botamos moito en falta a Isaías e Nacho!. Para o ano non volo perdoamos… A Adri, pedímoslle perdón porque ainda que protestou un pelín tarde, Marta Domínguez non estaba moi apta para recibir informacións. 😉

IMG_20151213_020523339 (Large)

VALE POR UN TAXI

Josiño Castro: Xa cansos de que unha vez rematada a troula nocturna tivéramos que ver esta imaxe ó día seguinte no Whatsapp

decidimos regalarlle entre todxs un vale por un taxi de O Porriño a Tui.

MAR_2987 (Large)

O usaría?

DIPLOMA ÓS TRAILEROS

Miguel Novoa, Ángel Alonso, Rocío Blanco e Pablo Reguera: Aínda que hai máis xente do club que acude ás carreiras de montaña, ninguéin tan friki do monte como estes. Presentámosvos ás cabras oficiais do club.

IMG_20151213_020943691 (Large)

DIPLOMA Ó AFORRADOR

Brais Misa: Estímase que parte dos 61.495 millóns de euros en axudas públicas directas á banca foron a parar á ucha do maillot de Brais Misa.

MAR_3001 (Large)

DIPLOMA Ó BECARIO DO CLUB

Carlos Álvarez: Encargado das fotocopias. Cando chega a noite, vístese de Marta Domínguez e vai en busca de liebres para poder mellorar ós seus tempos. Cando os cansa, chúpalle o sangue para levarlle ó Dr. Eufemiano Fuentes.

Entregou: Fonsete, a súa media laranxa.

MAR_3010 (Large)

Hai que recoñecerlle a Berto Domínguez que arrancara cunha estupenda iniciativa, movendo a tódolxs compañeirxs por whatsapp para contribuir nuha boa causa.

Explicou a micro aberto que o que se pretendía, era dar un recoñecemento xustísimo a Fonsete e a Dani, pola implicación absoluta neste club.

Graciñas polo curre, Berto. Con estes aportes, contribuimos a crear club.

IMG_20151213_021645374 (Large)

O resto o fixo Marga Argibay. Unha artista!.

IMG_20151213_021815701 (Large)

Graciñas a Jose polo control do son durante a presentación dos diplomas!.

MAR_3046 (Large)

Despois de escoitar todos os números un da música en Portugal que pinchou Jose, decidimos baixar!.

IMG-20151213-WA0036 (Large) (2)

O primeiro, a clásica ronda de Chupitos de McKay na de Sevi.

IMG-20151213-WA0035 (Large)

IMG-20151213-WA0037 (Large)

Un ano máis, e xa van un cuantos, marchamos cara o Tubulart (necesitamos patrocinadores) a bailar.

IMG_20151213_032027467 (Large) IMG_20151213_050743403 (Large) IMG_20151213_050752704 (Large) IMG_20151213_041552663 (Large) IMG_20151213_041613639 (Large)

Ata que chegou o final da carreira….

Esta é a grupeta que aguantou os derradeiros kilómetros.

IMG-20151213-WA0046 (Large)

E este é o trío que se «escapou» do resto. Tras unha foto finish moi discutida, estes son os FINISHERS da noite….

IMG-20151213-WA0047 (Large)

Logo está Josiño, ó seu rollo. Sin agobios.

Finalmente non usou o vale do taxi e marchou correndo cara a súa casa en Tui.

IMG-20151213-WA0040 (Large)

IMG-20151213-WA0039 (Large)

Agradecementos:

Irene e Marcos por pringar coas fotos.

….e ó Restaurante Manolo, por suposto.

Para o ano, repetimos.

Graciñas a todxs por todo.

Muac!.

Comisión de Excesos do Club Atletismo Porriño.

Sempre connosco, Diego <3

Carreira de San Bartolomé en Tui.

O sábado 22, retomábase despois de 28 anos a carreira de San Bartolomé en Tui. Achegábanse ata alí unhas 400 persoas con ganas de pasar unha mañán de Sábado divertida facendo algo de deporte. O ambiente de festa, os inchables para os mais cativos e a moi boa organización fixeron que iso fose posible.

Diante da capela instaláronse os arcos de Saida e Meta, e dende alí percorreron os máis maiores un total de 3,3 km na modalidade absoluta. A carreira foi rápida dende o principio, máis tendo en conta que se comezaba baixando, despois viña a costa de adoquín por detrás da capela. O resto do circuito diría que era bastante levadeiro.

Non houbo moita representación por parte do noso club, pero a que había fíxose notar dabondo, tendo en conta que contábamos coa presenza da nosa perla Uxía Perez (ainda que pertence ao Club Atletismo Tui é unha máis de nós) que quedou no posto 21 dos 160 participantes, ademáis de primeira muller en chegar á meta e 1ª na sua categoría. Jose Antonio Burgos fixo un tempo impresionante quedando 5º na xeral e 1º na súa categoría. Mónica Pena acadou o posto 76º que a levou á 3º plaza das Veteranas.

DSCN2614
DSCN2578

Mónica Pena na imaxe superior e Burgos (ó fondo) na imaxe inferior nun tramo  da carreira.

Houbo multitude de trofeos para os gañadores, todos eles distintos e cada cal máis bonito, doados por empresas e particulares de Tui para os cinco primeiros clasificados de cada categoría, polo que foi unha auténtica festa de trofeos, ademáis de sorteos e regalos para os participantes.

Mencionar moi brevemente que os máis pequenos levaron case todos trofeo (David Burgos, Noa Burgos, Carla Guisande, Sabela Guisande, Laura Alonso) pero iso deixollo para o encargado da crónica infantil.

O ano que ven sen dúbida repetiremos esperando que a carreira vaia ainda a máis. Noraboa a todos os participantes, e sobre todo, á organización.

Crónica: Mónica Pena.

Fotos: David Dagá.

 

O Atletismo Porriño no Embrunman 2015

O mércores partían cara Marsella nove compañeiros do club. Oito deles, van participar no mítico Embrunman o vindeiro sábado 12 de agosto. Trátase dun dos triatlóns de longa distancia máis duros do mundo que se disputa nos Altos Alpes franceses, en torno á vila de Embrun. Na proba terán que nadar 3.800 metros, percorrer 188 km. en bicicleta, incluída a subida ó mítico Izoard (2.360 m. de altitude) e rematarán con 42,197 km. de maratón.

Rubén, o máis listo de todos, decidiu ir velos sufrir e irá informando de cómo trasncorre todo por terras francesas.

Agradecemos enormemente a Alberto Domínguez que exerceu de chófer na nosa furgo, achegando á xente ata o aeroporto de Porto.

Moitísima Sorte, compañeiros!!!.

Saida cara a Embrun
O equipo composto por Miguel, Víctor, Nacho, Marquiños, Michi, Rubén (acompañante), Gil, Quique e Pablo.
Fotografía: Alberto Domínguez

Campionato de España de Triatlón Sprint e Acuatlón 2015

Celebráronse esta fin de semana en Pontevedra, cunha calor abafante, tanto o Campionato de España de Triatlón (sábado) coma o Campionato de España de Acuatlón (domingo). O Club Atletismo Porriño estaba representado na categoría cadete feminina por Iria Rodríguez Huertas, e na categoría elite feminina por María Martínez González e en grupos de edad Diego Pereiro Alonso no triatlón e por Sandra Sobreira Otero no acuatlón.

 

En canto a Iria, a pesares de comezar os adestramentos a finais de febreiro, unha vez superadas as diferentes molestias que viña arrastrando, e non estar aínda ó 100%, o seu espírito de loitadora, a calidade que atesoura e o gran traballo de Dani bastáronlle para ser competitiva.

 

O sábado tocaba triatlón: 750 m de natación, 10,2 Km de bicicleta e 2,5 Km de carreira a pé. A natación foi algo máis frouxa do agardado, quizáis pola posición de saída, por non quecer axeitadamente ou pola dificultade de nadar con case cen triatletas ó seu carón. Saliu na posición 19. Non fixo unha mala transición, e na bicicleta foi de menos a máis, mellorando desde logo con respecto ó Triatlón de Porriño. Foi a duodécima neste segmento. E chegou a carreira a pé: aquí foi a mellor, adiantando triatleta tras triatleta ata chegar á cuarta posición final, a menos de 20 segundos da terceira e a 1:34 da primeira. Unha mágoa que non durase un pouquichiño máis a carreira a pé.

E sen tempo case para desfrutalo, o domingo chegou o acuatlón: 500 m de natación e 2,5 Km de carreira a pé. Desta volta o quecemento xa foi o apropiado, e notouse a melloría na natación, saíndo na posición duodécima da auga, a 35 segundos da cabeza. Na carreira a pé saíuse novamente, sendo a primeira neste sector e mellorando en 28 segundos o tempo do día anterior, o que lle permitiu chegar ata a terceira posición global, a 21 segundos da primeira clasificada. Queda moito por facer para que chegue ó seu nivel, sen dúbida, pero o seu esforzo e adicación, a dirección técnica de Dani, a axuda de Fonsete e Víctor e os ánimos de todos os que adestran a diario con ela conseguiron este éxito con tan pouco tempo de preparación.

10463653_995561210488129_8456784180459548823_o

Na categoría de grupos de edad de 30-34 participou Diego Pereiro Alonso rematando 31º na categoría.

Xa na categoría elite feminina do triatlón distancia sprint (750 metros de natación, 20 Kilómetros de bicicleta e 5 Km de carreira a pé), a nosa representante, María Martínez fixo 26 natación, 26 bicicleta e 47 carreira a pé, para un total de 1:12:01, a 8:02 da gañadora. María marcou un sector de auga con boas sensacións no seu ritmo de nado e unha boa transición na zona de boxes, este feito fixo que puidese facer un sector de bicicleta nun grupo que circulaba cun bo ritmo volta tras volta. Foi na carreira a pé cando tocoulle sufrir moito, pois a forte calor da tarde e a fatiga dos dous primeiros sectores, xunto cunha ferida nun dedo do pé fixeron interminable o derradeiro sector. Isto dálle máis valor a súa participación neste campionato sprint de triatlón. A súaa ledicia na meta era moita polo traballo ben feito.

IMG-20150625-WA0002

E no campionato de España de acuatlón categoría elite feiminina, a nosa representante Sandra Sobreira Otero, á quen felicitamos porque ó día seguinte, luns, estaba de cumpreanos, fixo unha proba moi regular: unha natación de 1000 metros na que saíu da agua no posto 33, cun tempo de 16:32, e unha carreira a pé de 5 Km en 23:03, a trixesimoprimeira, para acadar unha meritoria trixesimoterceira posición final, a 7:05 da primeira clasificada.

IMG-20150625-WA0003

Noraboa ás tres triatletas: mulleres ó poder.

Crónica e fotos: José A. Rodríguez e Daniel Mouriño

Suspéndese a Carreira de As Agüiñas

CARTEL WEB_AMARELO_SUSPENDIDA (Large)

Por consenso, a Diretiva do Club Atletismo Porriño, decidimos suspender a edición deste ano da Carreira de As Agüiñas. Despois da inesperada morte do noso queridísimo compañeiro Diego, non nos quedan demasiados ánimos para proseguir coa celebración da nosa carreira grande. Sopesamos a posibilidade de seguir na súa honra, porque estamos seguros que a él non lle molaría nada que se suspendese, pero a realidade é que non temos un gramo de forza. Quedamos realmente vacíos!.

Esperamos que a xente que fixo os seus plans para ese día así como xs que xa vos anotastes, comprendades esta situación!.

Un saúdo.

A Diretiva do Club Atletismo Porriño.

 

 

 

Dor

LOGO CABECERA A4 (Custom)Neste club non sabíamos o que era golpear no chan dun xeito tan brusco e inesperado. Hai caídas leves, pero hai outras que deixan moitísima dor. A nova que recibimos hoxe toda a familia do Club Atletismo Porriño, vai a deixarnos tendidos no chan durante un longo tempo, un tanto aturdidxs, con moitas feridas no corpo. Estas son feridas de desgarro, das potentes, das que deixan unha boa cicatriz cando comeza a restituir o tecido. Pero erguerémosnos, de seguro que o faremos. Non sabes o orgullosos que imos presumir de todas estas marcas que deixas no noso corpo, Diego!.

Botarémoste moitísimo de menos, amigo. A tí e o teu sorriso.

Boa viaxe.

 

Con moitísimo cariño para toda a súa familia das súas compañeiras e compañeiros do Club Atletismo Porriño.